70 سال کے جوان توجہ فرمائیں !
Posted on: January 16, 2023
70 سال کے جوان توجہ فرمائیں !
کچھ مہینوں سے میں ایک تبدیلی محسوس کر رہی تھی اب
کافی تجربہ ہوچکا ہے اس لئے سوچا کہ سب کو بتا دوں ۔
یہ تو ہم سب جانتے ہیں کہ اس کرہ عرض پر ہم اپنے باوا
آدم اور اماں حوا کی بھول
چوک کی وجہ سے یہاں قید کاٹ رہے ہیں جب تک کہ رہائ
کا پروانہ آے۔ تو جیسے دنیا میں بنائ گئ مجرموں کی
جیل سے رہائ کے وقت قیدی کو جیل میں اسکا جمع شدہ
سامان واپس کر دیا جاتا ہے اور جیل سے ملا ہوا سامان
بھی ایک ایک کر کے جیل میں دوبارہ جمع کرا دیا جاتا ہے۔
ہمارے ساتھ بھی بالکل ایسا ہی ہوتا ہے نا۔ وقت کے ساتھ
طاقت، جوانی خوبصورتی، وجاہت دھیرے دھیرے کم ہوتی
جاتی ہے۔ بال گرنا دانت، نظر ، یاد داشت، اعصاب غرض
کہ سر سے پاوں تک سب چیزوں کی واپسی شروع ہوجاتی
ہے۔ اور تو اور ہماری انگلیوں کے پوروں کی لکیریں تک
غائب ہونا شروع ہوگئ ہیں ۔ پبشن لینے کے لئے زندہ ہونا
ضروری ہے اور زندہ ہونے کا ثبوت دینا بھی ضروری۔ بنک
والے بیچارے ہمارے انگوٹھے اور انگلیوں کے نشانات لینے
کے لئے ہر طرح انکو دبا دبا کر کوشش کرتے ہیں مگر جب
انکی کوشش اور ہمت جواب دینے لگتی ہے تو شائد کچھ
بات بن جاتی ہوگی یا دستخط لیکر وہ اپنی اور ہماری جان
چھوڑتے ہیں ۔یعنی سب سامان واپس ہوگا صرف اعمال
ساتھ جائیں گے ۔ ٹائپ کرتے ہوے اکثر ہندسے، حروف غائب
ہوجاتے ہیں یا ادھر ادھر ہوجاتے ہیں ۔ اپنا لکھا ہوا خود
پڑھو تو کچھ کا کچھ نظر آتا ہے۔ یہ میں اپنا تجربہ بتا رہی
ہوں ۔ ضروری نہیں کہ سب کے ساتھ ایسا ہوتا ہو اس لئے
مجھے بڑا بھلا کہنے سے اجتناب کیا جائے ورنہ۔۔۔۔
ورنہ میں کچھ نہیں کرسکتی جناب!
اللہ پاک راضی ہوجائے۔ اعمال، عبادت، استقامت تو ہے نہیں
بس صرف کوتاہیاں نافرمانیاں اور ان گنت گناہوں کا ہی
سڑا بھسا ڈھیر ہے۔اب تو رب سے بس معافی کی التجا ہے۔
اَللّٰهُ الَّذِیْ خَلَقَكُمْ مِّنْ ضُؔعْفٍ ثُمَّ جَعَلَ مِنْۢ بَعْدِ ضُؔعْفٍ قُوَّةً ثُمَّ
جَعَلَ مِنْۢ بَعْدِ قُوَّةٍ ضُؔعْفًا وَّ شَیْبَةًؕ-یَخْلُقُ مَا یَشَآءُۚ-وَ هُوَ الْعَلِیْمُ
الْقَدِیْرُ(۵۴)
ترجمہ: کنزالایمان
اللہ ہے جس نے تمہیں ابتدا میں کمزور بنایا پھر تمہیں
ناتوانی سے طاقت بخشی پھر قوت کے بعد کمزوری اور
بڑھاپا دیا بناتا ہے جو چاہے اور وہی علم و قدرت والا ہے
blessings for all
Just Bliss 
Leave a comment