Just Bliss

When I invigilated

Posted on: July 8, 2017


19732363_10154648012191932_8013759115126708428_n

 

هم بنے انویجیلیٹر :

میری
کزن نصرت ایک کالج میں لیکچرار کے فرائض انجام دے رهی تھیں۔ وه اکثر کالج سے واپسی پر همارے گهر آجاتیں تهیں کیونکہ ہماری بہت دوستی تھی اور بچپن سے قلبی لگاؤ بهی تها ایک دن وه کالج سے واپسی پر آئیں تو بہت سنجیدگی سے بولیں کہ ان کے کالج میں سینٹر پڑا ہےاگر تم چاهو تو انویجیلیٹ کر سکتی هو گهر سے زیاده دور بهی نهیں هے اور کچھ پیسے بهی مل جائیں گے جتنے دن جاؤ گی ، میں نے خوشی خوشی حامی بهر لی. مقرّره دن میں کالج گئی اور وهاں مجهے ایک کلاس میں بهیج دیا گیا. وهاں کی منتظم ٹیچر نے مجھ سے بہت رعب سے کہا که دیکهیں کوئی لڑکی نقل نه کرے. آپ کو بہت ﺫمّه داری سے چیک کرنا هے ، یه کام آسان نهیں هے . آپ کو کلاس میں راؤنڈ لیتے رِهنا هوگا. جن آنکهوں سے وه همیں گهور کر دیکھ رهیں تهیں ان پر اپنا پهسلتا ہوا چشمه ٹکا کر کَهٹ کَهٹ کرتی چلی گئیں. ان کے جانے کے بعد هم نے بهی اسی رعب سے لڑکیوں سے مخاطب هو کر کہا که جو بهی اپنے ساتھ نقل کے لیئے پهرّے لائیں هیں وه خود لا کر میری میز پر رکھ دے کیونکه مجهے کسی کی تلاشی لینا پسند نهیں هے.
اکثر نے تمیز سے اپنے پھرّے میز پر لاکر رکھ دئیے۔ یہ تو مجھے معلوم تھا کہ اگر دو پرچیاں میز پر رکھی ہیں تو چار ان کے پاس ہوں گی لیکن بھروسہ بھی کوئی چیز ہے ۔میں نے کسی کی تلاشی نہیں لی ۔ سب اپنا پرچہ حل کرنے میں مصروف تھیں ۔ میں کلاس میں چکر لگا رہی تھی اور ہر دفعہ ایک لڑکی کو دیکھتی کہ وہ میز پر سر ٹکائے ہوئے پرچہ حل کر رہی ہے ۔میں ہردفعہ اسے کہتی بیٹا آنکھوں پر برا اثر پڑے گا ، سر اٹھا کر لکھو۔میرے کہنے سے وہ سر اٹھا لیتی مگر پھر جب میر ی نظر پڑتی تو وہ اسی طرح سر ٹکائے ہوئے ہوتی ۔ آخر مجھ سے رہا نہ گیا اور اس کے پاس جا کر وجہ پوچھی تو اس نے بتایا ، گھر کی ساری ذمّہ دار ی اس پر ہے ۔ رات بھر جاگ کر پڑھا صبح بھی پیپر تھا جو رہ گیا تھا اور دوپہر میں بھی ۔ ناشتہ کا میں نے پوچھا تو بولی ،نہیں کِیا۔ سر میں اتنا شدید درد ہے کہ سر اٹھایا نہیں جارہا ۔میں سن کر اپنی سیٹ پر آگئی پھر پانی والے کو پیسے دیئے کہ ایک فائنٹا اور بسکٹ کا پیکٹ لا دے ۔ میں نے اس لڑکی کو فائنٹا اور بسکٹ دئیے کہ پیپر چھوڑو پہلے یہ کھاؤ۔ کھانے کے بعد اس نے تھوڑی دیر بعد سر اٹھا کر پیپر دیا۔ پیپر ختم ہونے کے بعد اس نے مجھے پیسے دیئے تو میں نے اس کو بتایا نہ تو میری یہاں کینٹین چلتی ہے نہ فائنٹا والوں سے میں نے ٹھیکہ لیا ہے ۔ تم میری بیٹی جیسی ہو۔ جاؤ اور ناشتہ ضرور کرکے آیا کرو تاکہ سر میں درد نہ ہو اور پیپر بھی آرام سے کر لو۔ اگلے دن پھر میں مقرّرہ وقت پر کالج پہنچ گئی۔ جب لڑکیاں کلاس میں اپنی اپنی نشستوں پر بیٹھ گئیں تو ایک نہایت سخت قسم کی ٹیچر اس طرح کمرے میں داخل ہوئیں جیسے دشمن کی فوج کو للکارنے آئی ہیں ۔ گرجدار آواز میں دھماکہ کیا کہ : لڑکیو!جو جو پھرّے لائی ہو فوراً میز پر رکھ دو ورنہ میں نے تلاشی لی اور اگر کچھ نکلا تو۔۔۔۔ یہ کہتے ہوئے ان کا لب ولہجہ ایسا ہی تھا جیسے واقعی گولیوں سے بھون ڈالیں گی ۔ ان کا سراپا اور پهر اس کرخت لہجے سے خوف زدہ ہوکر کافی لڑکیوں نے پڑھنے میں کم اور پهرّے بنانے میں جو محنت کی تھی وہ لاکر دشمن کے سامنے اپنے ہتھیار جمع کرادئیے۔ وہ مجھے بھی گھور کر گویا ہوئیں کہ دیکھیئے کوئی لڑکی نقل نہ کرے اور اگر ایسا ہوا تو آ پ کی بھی سرزنش ہوگی ۔ میں نے انتہائی انکساری سے ان کی تائید کی ۔ یہ کہہ کر وہ اونچی ایڑی کی سینڈل سے کَھٹ کَهٹ کرتی چلی گئیں۔ دور تک ان کی کَھٹ کَھٹ سنائی دیتی رہی ۔ لڑکیوں نے اور میں نے گہرا سکون کا سانس لیا۔مجھے تو امتحانوں میں بچوں پر بہت پیار آتا ہے اور میں اپنے شاگردوں پر اتنا بھروسہ کرتی تھی کہ کہتی کہ دیکھو مجھے آپ پر یقین ہے کہ اگر کتاب کھلی بھی ہوگی تو میں جانتی ہوں آپ نقل نہیں کریں گے ۔ محنت کر کے فیل ہوجانا بری بات نہیں ہے جتنا نقل کر کے اچھی پوزیشن لے لینا اور میں کلاس سے باہر چلی جاتی تھی کہ بچے یہ نہ سمجھیں کہ صرف باتیں کرتی ہیں اور جب اچانک کلاس میں آتی تھی تو روحانی خوشی ہوتی کہ سب بچے اپنے پیپر میں مصروف ہوتے ۔ مجھے کسی بچے نے شرمندہ کیا نہ مایوس ۔ میں بہت خوش نصیب ہوں .. یه کہاں سے کہاں آگئے ہم بات کرتے کرتے ۔
بات ہورہی تھی دوسرے دن کی ، لڑکیوں پر نظر رکھنے کی ۔ اس دن اسلامیات کا پرچہ تھا۔ میں نے لڑکیوں سے کہا کہ دیکھو آج زیادہ کڑا امتحان اس لئے بھی ہے کہ اسلامیات کا پرچہ ہے نقل کرنا ویسے بھی غلط ہے اور آج تو ایمان کا بھی امتحان ہے ۔ اسلئے جہاں سمجھ نہ آئے تو مجھ سے پوچھ لینا مگر نقل نہ کرنا۔ سر میں درد والی لڑکی بھی موجود تھی مگر ہشاش بشاش تھی۔ میں جانتی ہوں متوسط گھرانوں کی لڑکیوں پر گھر داری کا بھی بہت بوجھ ہوتا ہے ۔ نہ ٹیوشن پڑھ سکتی ہیں نہ کوئی سمجھانے والا ہوتا ہے ۔اس لئے پھرّے بناتی ہیں۔ وقت اور توانائی ضائع کرتی ہیں ۔ میں ہاتھ دیکھ کر پہچان لیتی ہوں کہ کتنے محنت کش ہیں اس لئے بہت ہمدرد ی رکھتی ہوں اور یہی ہوا۔ معروضی پرچے میں بہت سی لڑکیوں نے مد د کے لئے ہاتھ اٹھایا تو میں نے بجائے ایک ایک کو بتانے کے پوری کلاس کو “خالی جگه ” ( Fill in the blanks) ڈکٹیٹ کروا دیئےاور یوں کلاس کا ایمان سلامت رہا ، جہاں تک همارے ایمان کی بات هے تو اللّٰه تو سب کی نیّتوں اور دلوں کے بهید تک سے واقف هے، بس اللّٰه پاک سے معافی کے طلبگار هیں بے شک اللّٰه تعالٰی عفوودرگزر کرنے والا هے .

جب اگلے دن نصرت کو بتایا توانہوں نے کہا بس کردو بس! تم مجهے کالج سے نکلواؤ گی خبردار جو اب تم گئیں کالج ۔ گھر بیٹھو اور بچے پالو ۔کسی کام کی نهیں هو تم ، هم نے کونسا برا مانا کیونکه کہہ تو وه ٹهیک هی رهیں تهیں. بہرحال دودن کے جو پیسے ملے تھے ان سے خوب موج اڑائی دونوں نے مل کر.

1 Response to "When I invigilated"

I put “like”, but I do not understand, my mother language is spanish, and the second, english. I know a little of italian and portuguese ( real a little, for read something not for write or speak). Cheers! 🙂

Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

Enter your email address to follow this blog and receive notifications of new posts by email.

Join 920 other followers

Archives

Archives

July 2017
M T W T F S S
« Jun   Aug »
 12
3456789
10111213141516
17181920212223
24252627282930
31  

Shine On Award

Dragon’s Loyalty Award

Candle Lighter Award

Versatile Blogger Award

Awesome Blog Content Award

Inner Peace Award

Inner Peace Award

Inner Peace Award

Flag Counter

Flag Counter

Bliss

blessings for all

Upcoming Events

No upcoming events

%d bloggers like this: