Just Bliss

Hum aur hamari Urdu

Posted on: March 30, 2016


 

me in green

Hum aur hamari Urdu
Hamaray waledain ka ta’aulq tu UP se tha magr India se azadi k baad apnay watan Pakistan aai.    Lala Musa se Pindi, phir Karachi hote huwe bilakhir Peshawar mei sakoonat ikhtiyaar ki. Peshawar se dono ka khameer utha tha is leye mitti unko waha khench lai. Dono ki aakhri araam gah bhi Peshawar he me hay.
Peshawar cantt 62 Mall Road per hamaray gher k itraaf mai koi paas paros nahi tha. Is leye mohalladari kay mazay na le sakay. Na larai jhugra, na chughal khori na khuwahish na shikwa,na ehsaas e bertari na kamtari. Na fashion ka pata. Jo maa ne pehna diya pehen liya.  Ajeeb pursakoon mahol tha.  Hum umer bhai behen bhi nahi tha jis se kuch tu seekhnay ko milta. Baray bhai bhi 20 saal umer mei baray thay. Wo tu bus piyaar aur shafqat ka ghana shajr- e- saya daar thay. Iss tumheed ka matlab sirf yeh ha batanay ka kay in wajuhaat ki waja se hum per CP.UP, HAIDERABADI, BIHARI, PUNJABI HINDKO, BENGALI ka koi rung na churh saka.
Khidmat guzaron kay bacho ko Urdu aati nahi thi is leye un  se Pushtu bolni zaroor sekh li. Saat bhaiyun mei hamaray bhai zinda bachay they lehaza maa ki aankhon ka nor aur dil ka saroor they. Jub wo office kay kaam se kai dino k leye  doosray shehr jatay tu ammi fikrmund rehtein. Uska hul unhon ne aakhir nikal he liya. Hum us waqt class one mei thay.
 Ammi  bhai ko khut likhwana chahti thein. Ub bhala hum kiya jaanein khut (letter) likhna.  Jub koi lufz likhna na aata tu kehtein jo lufz nahi likhna wo kitaab me dhoondo. Is taraha hijjay bhi agai aur lufzon se bhi dosti honay lagi. Ammi ne is per bhi iktefa na kiya. Unhon ne hum masoom se Shama novel perhwana shru kiya. wo zamana aisa tha k bachon k pass sirf tabaydari kernay  kay aur koi option nahi hota tha. Novel tu kiya khaak samjh mei ata bus perhte aur ammi khush hotien k khut likhna aura acha ajaiga humko. Is tarah urdu perhnay mei rawani aati gai, sheen qaaf bhi durust hogaya. Bulund khuwanai aur thereer dono he behter hoti gaein.
Is mushaqqat ka faida yeh huwa k school aur college me maqami aur All Pakistan mubahison mei teachers ki nazar hum per pernay lagi. Hum bhi khush k chalo muft mei doosray shehron  mei ghoomany ka maza aai ga. Lerkon ko hum mei koi dilchaspi thi aur na humko. RCD debate yani Pakistan, Iran aur Afghanistan kay  ma-bain debate ka muqabla tha aur wo bhi Islamia college mei. Waha lerkiyan jatay huwe ghubrati thei ek tu purdah aur wese bhi haseen. Humko koi der tha nahi, na lerkon se na husn ki kami se. Rostrum hamseha hamaray qud se ooncha he hota ha her jagah is leye hum bedharak stage kay centre mei jaker apna mudda bayan kerte chay muwafiqut mei ho ya mukhalifat mei.
 Khoob inamaat, trophies aur certificates hasil keye.
Presentation Convent ki taliba honay ki waja  se English bhi qabu agai. Lehaza dono zabano mei khoob sadakari ki.
Shadi kay baad jahez mei hum bori bher ker apne cups bhi Jhelum le gai. Naya gher girahsti sambhali. Bawerchi khanay mei masalay rukhnay kay leye koi dabba bottle thi nahi. Hamaray urdali ne foren apni foji zihanut ka istemal kerte huwe bori se hamaray cup nikalay aur un mei namak mirch masalay bher deye. Pus ai momino is se sabit howa kay foji kay pass her maslay ka hul hota hay sirf dimagh istemal kerna shert ha. Bus yeh huwa k wo cups jo hum ne mehnat se jeetay thay unki betoqeery dekh ker apni betuqeeri dekh ker aankhon mei aansu aur labon pe muskarahat aanay k sath dil se hook uthi kay—- derd itna hay k her rug mei mehsher burpa—–sakoonitna ha k merjanay ko ji chata hay ———-Tanveer Rauf 23 November 2015

4 Responses to "Hum aur hamari Urdu"

Urdu is a sweet language. Maine Mehronisa parvez ko pada hai. aur bhi kai writer hai India mein jourdu me likhate hain, sher aur shayri Hindi filmo me bahut milti hai.

Liked by 1 person

haan Indra ji, her language ka apna ahang hota ha aur her zabaan boht achi hoti ha. zabaan dilon ko qareeb kerti hay khush raho ameen

Liked by 1 person

Behtreen! Maza agaya baray dino baad aik achi tehreer parh k.
Thanks for sharing.🙂

Liked by 1 person

BOHT SHUKRIA Mariam❤

Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Enter your email address to follow this blog and receive notifications of new posts by email.

Join 1,163 other followers

Archives

Archives

March 2016
M T W T F S S
« Feb   Apr »
 123456
78910111213
14151617181920
21222324252627
28293031  

Shine On Award

Dragon’s Loyalty Award

Candle Lighter Award

Versatile Blogger Award

Awesome Blog Content Award

Inner Peace Award

Inner Peace Award

Inner Peace Award

Flag Counter

Flag Counter

We cannot load blog data at this time.

Bliss

blessings for all

Friend

Upcoming Events

No upcoming events

%d bloggers like this: